ʼn Onderwyser se liggaam is Woensdag in sy huis in Somerset-Oos in die Oos-Kaap gevind.
Kapt. Justin Petrus, ʼn polisiewoordvoerder, sê die 49-jarige onderwyser se huiswerker het omstreeks 9:00 Woensdagoggend op sy lyk afgekom waar dit “vol bloed” in sy bed gelê het. Hy het verskeie steekwonde opgedoen. Petrus sê daar is ʼn tuinvurk langs die liggaam gevind. Hy sê dit is nog nie duidelik hoe die moordenaar toegang tot die huis verkry het nie. Petrus sê die oorledene was ʼn onderwyser by die William Oates Gedenkskool in Somerset-Oos. Die polisie ondersoek die saak.