Die erg ontbinde oorskot van ʼn man wat in ʼn tuin in Bluewater Bay, Port Elizabeth, begrawe was, is Donderdag opgespoor, het die polisie gesê.
Kapt. André Beetge het gesê die eienaars van die eiendom het hul tuinier versoek om ʼn blommebak wat van bakstene gebou is, uitmekaar te haal, toe hy op die oorskot afgekom het. Die eiendom was vroeër uitverhuur en die polisie vermoed dat die liggaam reeds in 2008 daar begrawe is. Die moord word ondersoek.