Ontvoerde diabeet dood aangetref

Tony Teixeira

Die liggaam van Tony Teixeira van Welkom, wat verlede Donderdag ontvoer is, is Woensdagoggend ontdek.

“Teixeira se liggaam is in ‘n ontbinde toestand in Saaiplaasweg deur ‘n sekuriteitswag van ‘n myn opgespoor,” het Stephen Thakeng, woordvoerder van die polisie in die Vrystaat, gesê. “Hy is in die kop geskiet en sy bene en arms was vasgebind.”

Teixeira en sy verloofde, Ilona Combrink, is deur vier onbekende mans ontvoer wat hom verlede week Donderdagoggend van elektroniese ware, kontant en sy Soyat-bakkie beroof het. Die rowers het hom glo ontvoer as losprys vir die regte pinkodes vir die bankkaarte. Combrink is vasgebind en met ʼn kombers toegegooi. Sy kon loskom toe die rowers vlug en het hulp ontbied.

‘n Grootskaalse mensejag na Teixeira is van stapel gestuur, en ‘n beloning van R10 000 is uitgereik, maar dié soektog was tot dusver vrugteloos. Die vier verdagtes is steeds op vrye voet.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.