Onwettige wapens in KZN opgespoor

Argieffoto

Twee mans, albei in hul dertigs, is Sondag in hegtenis geneem nadat ongelisensieerde vuurwapens en ammunisie in hul besit gevind is.

Kol. Vincent Mdunge, ʼn polisiewoordvoerder van KwaZulu-Natal, het Maandag gesê die polisie het op inligting reageer en die mans in die Esigubudu-omgewing in hegtenis geneem.

“Die polisie het beslag gelê op ʼn AK47-aanvalsgeweer, twee .303-gewere, ʼn haelgeweer, ʼn 9mm-pistool en ammunisie,” het Mdunge gesê.

Mdunge het gesê die twee verdagtes word moontlik verbind met die moord op ʼn 36-jarige man wat Sondagoggend verskeie kere buite sy huis geskiet is.

“Die motief vir sy dood is in die stadium nog nie bekend nie en ʼn saak van moord word deur die Nongoma-polisiestasie ondersoek.”

Die polisie probeer nog vasstel of die mans verbind kan word met sake van gewapende roof en nog ʼn moord in die Nongoma-omgewing.

Die mans moet binnekort in die Nongoma-landdroshof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Seg Net ·

AK 47 ???????? Derde mag bedrywighede. VOLKSMOORD niks meer en nik minder nie. Hierdie tipe moord gaan toeneem met die nuut gestigte terroristiese organisasie van malema.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.