Thuli Madonsela, die Openbare Beskermer, gaan ʼn voorlopige ondersoek van stapel stuur oor die e-tolstelsel.
Kgalalelo Masibi, woordvoerder vir haar kantoor, het Vrydag bevestig dat hulle voorlopig ondersoek sal instel oor die klagtes wat ontvang is oor tender onreëlmatighede met Gauteng se e-tolstelsel. Sy sal bewerings van ʼn “onbehoorlike verhouding” tussen Sweedse maatskappye wat glo in die wapentransaksie betrokke was en die Oostenrykse maatskappy Kapsch TrafficCom ondersoek. Na dié voorlopige ondersoek sal sy kan bepaal of ʼn formele ondersoek ingestel moet word.
Die e-tolstelsel is intussen opgeskort en die hoof uitvoerende beampte, Nazir Alli het Maandag bedank.