Die sangeres Sunette Bridges se lewensmaat, Chris Roets, wat in Amerika gestrand is as gevolg van orkaan Sandy, sal dalk binnekort tuis wees.
Maroela Media het Dinsdag berig Roets was in Amerika gestrand nadat meer as 7 100 vlugte teen Sondagaand weens orkaan Sandy gekanselleer moes word. Roets het Maandag die binneland ingery tot by West Virginia, waar hy deur ʼn sneeustorm vasgekeer is.
Bridges het Woensdag laat weet daar is darem ʼn moontlikheid dat Roets Donderdag ʼn vlug vanaf Washington kan kry na Londen en vandaar dan ʼn vlug na Suid-Afrika.