Volgens die berig het die SAID Pistorius se geldsake bekyk ná sy borgaansoek in Februarie nadat dit aan die lig gekom het hoeveel hy per jaar verdien. Die SAID het bevind dat Pistorius onbetaalde belasting het en is Pistorius met “minder as R1 miljoen” beboet. Hy het glo reeds die boete betaal. Volgens die berig kon nóg die SAID nóg die Pistorius-familie vir kommentaar bereik word.
Pistorius word aangekla van die moord op sy vriendin, Reeva Steenkamp. Hy is in Februarie op borgtog van R1 miljoen vrygelaat.