OTM-bommers skiet man

Argieffoto

ʼn Groep van vyf gewapende mans het Dinsdag twee OTM’e in Rustenburg in Noordwes opgeblaas en ʼn bystander geskiet en gewond.

Kapt. Pelonomi Makau, woordvoerder van die polisie, sê ʼn 42-jairge man is in sy voertuig geskiet. Hy het glo ʼn vulstasie verlaat toe hy ʼn wit BMW met vyf mense naby die OTM opgemerk het. Die gewapende mans het talle skote in sy rigting afgevuur en hy is in die bobeen getref. Hy is na ʼn nabygeleë hospitaal geneem vir verdere behandeling. Die vyf mans het met ʼn onbekende bedrag geld gevlug. Die polisie ondersoek die saak.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.