Die DA het Woensdag in ʼn verklaring gesê die voormalige Tlokwe-burgemeester, Maphetle Maphetle, en sy komitee weier om hul kantore te ontruim nadat hulle Dinsdag ontsetel is.
“Die DA is besig om sy regspan te raadpleeg met die oog om ʼn interdik te bekom om die onwettige okkupasie te keer en dadelik stabiliteit in die munisipaliteit te bewerkstellig,” het Chris Hattingh, die leier van die DA in Noordwes, gesê.
“Ons beoog om die onwettige beset deur die voormalige burgemeester sonder versuim te beëindig,” het hy gesê.
DA-raadslid Annette Combrink is Dinsdag vir die tweede keer sedert November aangewys as die burgemeester van Potchefstroom na ʼn mosie van wantroue teen Maphetle ingedien is.
Lees ook:
Voormalige Tlokwe-burgemeester gereed om terug te veg
DA weer in beheer in Potch
WOW! Hoe arrogant kan ‘n mens raak?
Arrogansie is nie die woord nie! Maar dit is so tipies van die ANC, hulle kan nie aanvaar as hulle verslaan en verloor het nie. Kry die rooimiere om hulle uit te gooi!!