Oud-fietsrykampioen veroorsaak kettingbotsing

Foto van die ongeluk Foto: www.lematin.ch

ʼn Voormalige Olimpiese fietsrykampioen van Switserland het ʼn kettingbotsing van sewe voertuie veroorsaak waarin hyself en 10 ander mense beseer is.

Robert Dill-Bundi (54), wat die individuele kategorie in 1980 tydens die Olimpiese Spele in Moskou gewen het, het Donderdag glo twee ongelukke in Aigle, Switserland, veroorsaak, het Le Matin-koerant berig. “Ek is baie geskok oor wat gebeur het,” het Dill-Bundi, wat met sy BMW gery het, gesê.

Volgens die polisie het die motoris, wat hulle nie uitgeken het nie, eers ʼn ander voertuig getref nadat hy ʼn rooi verkeerslig verontagsaam het voordat hy ʼn paar honderd meter weggejaag en toe ʼn kettingbotsing van sewe voertuie veroorsaak het.

Een van die beseerdes is in ʼn ernstige toestand en Dill-Bundi is steeds in die hospitaal en sal binnekort deur die polisie ondervra word, het Le Matin berig.

Klik hier om nog foto’s te sien.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.