André Botha, ʼn voormalige polisiebeampte van Welkom, is Woensdag gevonnis nadat hy in Julie op aanklag van die besit van kinderpornografie skuldig bevind is.
Botha (38), oorspronklik van Durban, is tot 45 jaar tronkstraf gevonnis waarvan hy effektief 15 jaar moet uitdien, berig OFM. Hy is in Julie skuldig bevind op ses aanklagte van die besit van pornografie en dat hy probleer het om bewysstukke te vernietig. Die misdade het in Julie en Augustus 2011 plaasgevind. Hy het skuldig gepleit.
Ná sy inhegtenisneming is honderde eksplisiete foto’s, video’s en gesprekke op sy selfoon, MXit, BBM en Skype opgespoor. Hy het selfs ʼn kleuterskoolonderwyseres R1 000 per pornografiese foto van kinders in haar sorg aangebied. Klik hier om meer te lees.
Charmaine Labuschagne, aanklaer van Welkom, het aan OFM Nuus gesê mense moet versigtig wees oor dit wat hulle oor die internet stuur. “Baie mense dink die besit van kinderpornografie is nie so ʼn ernstige misdryf nie,” het sy gesê.
Kan mens nie sulke mense in ‘n plek sit en die sleutel weg gooi nie, dit is hulle wat ons kinders verkeerde goed in die lewe leer.
Dit is so siek!