Ouma sterf in ongeluk; gesin beseer

ʼn Vrou is Sondag oorlede en vyf mense beseer in ʼn ongeluk buite Kimberley, sê paramedici.
ER24-woordvoerder André Visser sê ʼn pa, ma, twee kinders en hul grootouers was op die N12 op reis in ʼn Volkswagen kombi toe die bestuurder beheer oor die voertuig verloor het en dit omgeslaan het.
Visser sê die kombi het in ʼn paal langs die pad vasgery en aan die brand geslaan.
“Die ouma het verskeie noodlottige beserings opgedoen en is op die toneel dood verklaar,” sê hy.
Die oupa, pa en ma het verskeie brandwonde opgedoen. Die kinders het slegs geringe beserings opgedoen. – SAPA