ʼn 58-jarige oupa wat vroeër skuldig gepleit het op twee aanklagte van seksuele aanranding het Vrydag in die Humansdorp landdroshof in die Oos-Kaap verskyn
“Die saak is uitgestel tot 30 Maart, terwyl die hof wag op ‘n psigiatriese verslag,” sê ʼn polisiewoordvoerder, lt. kol Priscilla Naidu. Die oupa het op 11 Januarie skuldig gepleit op aanklagte dat hy sy 4 en 7-jarige kleindogters, wat in die huis langs syne gewoon het, seksueel aangerand het. “Die kinders het net voor Kersfees vir hulle ma van die seksuele aanranding vertel. Die man is kort hierna in hegtenis geneem. Hy is tydens sy tweede hofverskyning op borgtog van R5 000 vrygelaat,” se Naidu. Volgens die man se bogvoorwaardes mag hy nie in Humansdorp woon nie.