Die Bondgenootskap Teen Stedelike Tol (Outa) het Woensdag sy aansoek om verlof tot appèl ingedien teen die hooggeregshof in Pretoria se uitspraak dat die omstrede e-tolstelsel op Gauteng se hoofweë geïmplementeer kan word.
Outa het vroeër aansoek gedoen dat e-tolstelsel geskrap moet word. Die hof het egter in Desember dié aansoek met koste verwerp. Outa het Maandagaand aangekondig dat hy teen die uitspraak en kostebevel gaan appelleer.