‘n Pa en sy seun het Saterdag by Pringlebaai in die Wes-Kaap verdrink, het die Nasionale Seereddingsinstituut (NSRI) gesê.
“’n Jong man van Mitchells Plain het net na 09:00 omstanders se aandag getrek om bystand te verleen nadat sy pa en oupa, ook van Mitchells Plain, in die see meegesleur is toe hulle kreef in die vlak water wou uithaal,” het Craig Lambinon, woordvoerder van die NSRI, gesê. “Dit wil voorkom of die twee mans in ‘n sterk systroom beland het en toe bo van hulle voete afgestamp en in die see in getrek is.”
Die voorval het naby Hangklip-hotel in Pringlebaai plaasgevind.
Die liggame van die twee mans is sowat 400 m van die kuslyn af opgespoor. Hulle is op die toneel dood verklaar.
Die polisie het ‘n geregtelike doodsondersoek gelas.
Ai, dis werklik tragies. Sterkte aan die familie.
Ek stem Justi, hierdie mense vang kreef vir ‘n lewe. Werklik hartseer.