Pa en seuns vas oor 7 moorde

Argieffoto

‘n Man en sy twee seuns is in hegtenis geneem nadat hulle glo sewe lede van dieselfde familie doodgeskiet het.

“Die 51-jarige man en sy seuns, onderskeidelik 28 en 30 jaar oud, sal na verwagting binnekort in die Greytown-landdroshof verskyn op sewe aanklagte van moord en twee van poging tot moord,” het kol. Vincent Mdunge, woordvoerder van die polisie in KwaZulu-Natal, gesê.

“Vyf gewapende mans het glo op 9 Maart vroeg in die oggend op die Mkhize-familie se huis in Muden, naby Greytown, losgebrand. Ses mans, waarvan vyf broers was, is op die toneel dood. ‘n Driejarige seuntjie het ‘n paar dae later aan sy beserings beswyk,” het Mdunge bygevoeg. ‘n Polisietaakspan wat die saak ondersoek het die 51-jarige man in Aprilmaand tydens ‘n klopjag in hegtenis geneem vir die besit van ‘n ongelisensieerde vuurwapen. “Ballistiese toetse het later bevestig dat dié wapen in die skietery gebruik is. Die man is toe saam met sy seuns in hegtenis geneem.”

Volgens Mdunge kan nog mense in hegtenis geneem word in verband met die moorde.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.