ʼn Pa van die Wes-Kaap is in hegtenis geneem nadat hy glo sy twee kinders Woensdag in Muizenberg vermoor het.
Ao November Filander het gesê die 50-jarige man het sy tweejarige seuntjie en driejarige stiefdogtertjie se kele afgesny nadat hy hulle by ʼn kleuterskool in die Village Heights-informele nedersetting gaan haal het. Inwoners het die polisie gekontak. Die ma was nie by die huis nie. Die man word deur polisie-begeleiding by ʼn plaaslike hospitaal aangehou nadat hy glo probeer selfmoord pleeg het. Die motief vir die moorde is nog nie bekend nie.