Sewe mense, waarvan een kritiek, is Sondagaand tydens ʼn kettingbotsing op die N3-snelweg by die De Hoek Toll Plaza, Gauteng, beseer.
“Na wat verneem word, het ʼn polisie-padblokkade verkeer vertraag en laat ophoop,” het Jeffrey Wicks, woordvoerder van Netcare911, gesê. “Verkeer het vinnig tot stilstand gekom en een voertuig het teen ʼn ander van agter gebots. Drie voertuie was in die botsing betrokke.”
Die sewe beseerdes is op die toneel gestabiliseer en met ambulanse na nabygeleë hospitale geneem.