ʼn Konstruksiewerker het Dinsdag ernstige beserings opgedoen nadat ʼn voertuig hom op die N3-snelweg naby Mooirivier in KwaZulu-Natal getref het.
Chris Botha, ʼn woordvoerder van Netcare 911, het gesê die man het aan die pad se oppervlak gewerk toe die ongeluk plaasgevind het. “Paramedici het die man aan die kant van die pad aangetref. Hy is op die toneel gestabiliseer en na die hospitaal in Pietermaritzburg geneem vir verdere behandeling.”
Die oorsaak van die ongeluk is nog nie bekend nie en word ondersoek.