ʼn Man is Woensdagaand in Durban dood ná ‘n botsing reg van voor.
Chris Botha, ʼn woordvoerder van Netcare 911, het gesê die ongeluk het by die kruising van Old Mainweg en Saunderslaan in Isipingo plaasgevind. “Die oorsaak van die ongeluk is nog nie bekend nie. Die polisie sal die ongeluk ondersoek,” het Botha gesê.
Volgens Botha het die man verskeie beserings opgedoen en paramedici het meer as ʼn uur lank gespook om sy lewe te probeer red, maar hy is later op die toneel dood verklaar.
Twee mense is ook in die ongeluk beseer. Hulle is op die toneel gestabiliseer en na ʼn nabygeleë hospitaal geneem vir verdere behandeling.