Paramedici van Netcare911 het Woensdag sowat ʼn uur in volle uniform in ʼn swembad spandeer om ʼn beseerde swemmer te help.
Chris Botha, ʼn woordvoerder van Netcare911, sê ʼn vrou van Pretoria het rugslag in die swembad geoefen toe haar skouerbeen uit lit gegaan het. “Die vrou was in soveel pyn dat sy nie uit die swembad kon klim of uitgehelp kon word nie. Paramedici moes in die swembad klim om haar te behandel,” het Botha gesê. Die vrou is gestabiliseer en na ʼn nabygeleë hospitaal geneem vir verdere behandeling.