Boere sal na vandag meer duidelikheid oor die toekoms van hulle eiendomsreg kry. (Foto: Jo Raubenheimer)
Meer duidelikheid oor die toekoms van onteiening sonder vergoeding (OSV) sal vandag verkry word wanneer die parlement oor hierdie omstrede wetsontwerp stem. ʼn Meerderheid van 66,7% sal deurslaggewend wees om artikel 25 van die Grondwet te wysig om onteiening sonder vergoeding en staatsbewaring oor grond ’n uitdruklike grondwetlike mandaat van die Republiek van Suid-Afrika te maak.
Volgens Vrystaat Landbou (VL) kan dit verreikende gevolge vir die land se ekonomie inhou. “As hierdie wetsontwerp ’n tweederdes stem kry, verdoem dit die kanse op ekonomiese herstel in Suid-Afrika, wat reeds skeptiese beleggers in ons ekonomie wegjaag, plaaslik en uit die buiteland,” sê Francois Wilken, president van VL.
“VL het ten volle aan die openbare konsultasieproses deelgeneem en die voorgestelde wysiging aan artikel 25 teengestaan deur ons lede en die publiek te mobiliseer om insette te lewer, deur skriftelike indienings, asook voorlegging aan die parlement.
Maroela Media het vroeër berig dat 107 639 mense aan VL se openbare veldtog om eiendomsreg te beskerm, deelgeneem het.
“Sonder dat beleggings in eiendom deur gesonde eiendomsregbeleid verseker word, gaan beleggers elders, waar hul beleggings veiliger is. Plaaslike ekonomies aktiewe burgers sal ook nie herbelê in onseker eiendomverwante bates nie, en sal hul beleggings in onder meer pensioenfondse en spaargeld, na buitelandse fondse skuif.”
Hy sê in die geval van landbou, sal minder winste in die groei van die plaaslike landbou-ondernemings herbelê word en meer in alternatiewe, minder riskante beleggings en ondernemings, heel moontlik in die buiteland. “Hierdie disinvestering in landbou vertraag die landbou se vermoë om voortdurend aan ’n groeiende bevolking voedselsekerheid te bied en aan te hou om meer mense in diens te neem, wat tans so broodnodig in Suid-Afrika is. Terloops, landbou was die enigste sektor wat die afgelope paar jaar konsekwente groei in indiensneming getoon het.”
Wilken sê die nuwe toevoeging tot die wetsontwerp was nooit implisiet in die bestaande Grondwet nie, hoewel daar nog altyd voorsiening gemaak is vir ’n kombinasie van staatsbeheerde, private en kommunale grond. Die EFF wil hê alle grond moet onder voogdyskap van die staat wees, asook dat geen vergoeding betaalbaar moet wees vir grond wat vir grondhervorming nodig is nie.
“Die standpunt van VL is dat artikel 25 van die Grondwet reeds voldoende voorsiening maak vir grondhervorming, en selfs onteiening met geen vergoeding nie, en dus enige wysiging as onnodig teenstaan.
“Verder is ons hewig gekant teen enige voogdyskap oor grond wat tans in privaatbesit is.”
Ongeag die uitslag van die parlementêre stemming, sê Wilken dat “die grondhervormingsdebat nog lank nie verby is nie. Op die politieke toneel sal dit ’n stryd wees oor ideologieë en herstellende geregtigheid wat net sal toeneem met nasionale verkiesings wat voorlê. Klaarblyklik regverdig dié politieke retoriek landelike misdaad en wrede plaasaanvalle wat beleggings en boere verder uit Suid-Afrika sal verjaag.”
Indien die meerderheid stem verkry word om die Grondwet te wysig soos voorgestel, is die volgende stap dat stemmery na die provinsies en tradisionele leiers toe oorgaan. Die Nasionale Raad van Provinsies (NCOP) se stem sal ook heel waarskynlik dieselfde uitkoms hê as in die parlement.
Wilken gee boere die versekering dat indien hier ook die nodige meerderheid verkry word, VL sal seker maak dat ʼn regspan opdrag gegee word om die grondwetlikheid van die wysiging te betwis.
Hy sê op grondvlak sal goeie buurmanskap en welwillendheid tussen nuwe, selfgevestigde en ou kommersiële boere onverpoos voortduur.
Die mense moet besluit of hulle net ‘n piesang republiek wil hê of ‘n piesang republiek met honger mense en leë kos winkels.
Hulle wil duidelik nie eers n republiek hê nie, maar slegs die piesangs.
Die spul besef nie wat die nagevolge van hulle dade is nie !!
Watse grond. Julle wil nou boere se grond vat wat hard gewerk het daarvoor. Die staat het genoeg grond wat hul kan weggee
Kommuniste gee nooit oor nie. As hulle hierdie stem verloor, is dit net een treetjie terug. Hulle sal weer vorentoe beur vir die volgende twee treë.
Die regering staan aldag bakhand in die buiteland en bedel vir beleggings, maar watter regdenkende instansie sal soveel as 1 sent in grond/ontwikkeling belê met die wete dat die staat dit ter enige tyd kan onteien sonder vergoeding? Die goed se domastrant arrogansie verstom my.
Dit sal die laaste spyker in die doodskis van die sa ekonomie wees. Daar sal ongekende armoede en hongersnood in die land wees. Alle grond of eiendom in die land is gekoop en nie gevat nie. Grondonteiening sonder vergoeding is niks anders af diefstal nie.
Alles het ń Tyd en Plek !!
Wat gebeur, moet gebeur !!
Omdat daar n Rede daarvoor is !!
Dit is presies wat die regering wil he die mense moet se. Staan op teen dit wat verkeerd is. Spreek uit teen dit as jy dan nie kan opataan teen dit.
Oe regtig? Wonder of jy nogsteeds so braaf gaan klink as jy in n ry moet staan van honderde meters met n kruiwa vol van waardelose geld om een brood te koop soos in ou Zimbabwe..Pasop waarvoor jy vra en om in redes te maak glo al is dit nie goed nie…
Tot die tradisionele leiers het ‘n sê!!
Die ANC stoomroller nou die wetgewing want hulle weet na die volgende algemene verkiesing gaan hulle en die EFF saam nie meer ‘n twee-derde meerderheid in die parlement hê nie
Dit ruik vir my al hoe meer soos Zim se lug hier buite…
Weer ‘n gulde geleentheid om ons verder in rommelstatus se moeras af te laat sak en die Rand te laat verswak, sodat ons meer vir brandstof en voedsel moet betaal. Die ANC plaas die skuld vir hoë brandstof op die sterk Dollar, maar in wese is dit die ANC wat die Rand verswak. Nogal kenmerkend dat slegs Afriforum ‘n stem in die woestyn is. Die ander bevolkingsgroepe aanvaar alles net so. Protesoptrede word dus deur die ANC self georkestreer.
Ag los net die boere se grond uit asb hulle hard gewerk om tot hier te kom nou wil regering net alles vat en verniet weg gee dink weer LOS ASB ONS BOERE UIT NOU
Ons het onlangs ‘n voorbeeld gesien van iemand wat graag wou glo dat hy die arm van die Bybel kon draai na sy idee van reg en regverdigheid. Vir die leuenaar is daar nooit werklike erkentlikheid vanaf diegene wat deur sy leuen bevoordeel word nie.
Ja -Nee, als word gedoen om sulke bisarre veranderinge vinnig deur te trek as wet en dit nogal oor Des, terwyl die mensdom vasgevang is in hierdie sg plandemie van clot shots ens. net om op alle vlakke vd samelewing te wil beheer. Onderduims, is nie die woord wat ek die graagste hier wil gebruik nie, maar ek sal maar ter wille van ander lesers.
Onthou die voorgestelde wetgewing sluit in onteiening van alle eiendom; jou besigheid, woonhuis en pensioen is ook jou eiendom. En ek is seker baie mense sal naief genoeg wees om te dink “sekerlik sal die regering nie dit alles wil vat nie”.
Vat net my verband ook saam want ek gaan dan nie verder my verband betaal nie. Wat gaan die bank doen my plaas vat wat klaar gevat is deer die sleg anc kommuniste. Die sleg goed wil vir niks werk nie soek als verniet
Hier begin dit nou. As daar ten gunste vir onteiening sonder vergoeding gestem word wat 10 teen 1 gaan gebeur, kan ons maar die blankes wat in 2019 nie gaan stem het nie ook maar bedank vir die drakonies besluit.
So sal die ANC voortgaan tot daar niks meer oor is nie. Die hoës voel niks vir diè wat die werk moet verrig en die land voed nie. Die “Ene Minister” het mos gesê hy weet nie waaroor die boehaai nie want jy gaan Pick en Pay toe en koop alles van die rak af! Du…………….. hy weet nie waar voedsel vandaan kom nie!
Die staat het baie grond, maar op plekke waar niemand wil woon nie.
Hulle soek die beste grond in Gauteng en ander provinsies, natuurlik gratis verbly en kos ook ingesluit.
Ek verstaan nie hoe ons mense so kan dink nie, jy moet ongelooflik dom wees.
Ons kan NET bid dat redelikheid seevier!!
Dankie o Christus dat U ons gebed verhoor het en dat die grondonteiening sonder vergoeding misluk het. Aan U al die eer.
Ons moes ‘n groot gebeddag gehou het.
Jy raak te gou bly. EFF het nie die wetsontwerp gesteun nie want hulle is nie gelukkig met die wysiging soos die ANC dit wil he nie. In die plek hiervan het Malemma in sy toespraak gese dat swart mense nou die grond moet gryp en gaan die EFF hulle aanmoedig om dit te doen.
Hy het dit in die parlement gesê, waar jy enige ding kan sê sonder om vervolg te word. Hy is al voorheen aangevat toe hy so iets in die openbaar kwyt geraak het. Daar is te min van hulle wat na hom luister in die parlement
Hoe sê hulle, wat myne is, is myne, wat joune is moet ons deel. Hulle het net gewag dat plase produktief is nou wil hulle dit vat.