Parool geweier vir moordenaars van akteur en sy vriend

Die veroordeelde moordenaars Jade Wyngaard en Nurshad Davids is Woensdag parool geweier in die Drakenstein-gevangenis in die Wes-Kaap.

Wyngaard en Davids is skuldig bevind aan die moord op die akteur Brett Goldin en sy vriend Richard Bloom. Goldin en Bloom is op 16 April 2006 ontvoer en vermoor. Wyngaard en Davids is elk twaalf jaar tronkstraf opgelê en het reeds ses jaar van hul vonnisse uitgedien. ʼn Woordvoerder van die departement van korrektiewe dienste, Simphiwe Xaku, sê Wyngaard en Davids sal in Julie volgende jaar weer die geleentheid kry om vir parool aansoek te doen. Dit is die tweede keer wat Wyngaard en Davids se parool geweier word nadat hulle in November verlede jaar ook aansoek gedoen het.