Patrice Motsepe skenk R12 miljoen

Patrice Motsepe, stigter en voorsitter van African Rainbow Mineral Bpk. Foto: forbes.com

Mynmagnaat en miljardêr Patrice Motsepe het R12 miljoen aan Kaapstad geskenk vir die stryd teen armoede en werkloosheid.

Motsepe het glo gesê hy skenk R6 miljoen elk aan Khayelitsha en Mitchells Plain om forums in die Motsepe-familienaam te vestig, berig SowetanLIVE. “Die forums sal deur die gemeenskap gevestig word en sal as ‘n voertuig dien om jong entrepreneurs, die jeug, godsdienstige instellings en, die belangrikste, kinders deur opvoeding by te staan,” het Motsepe Dinsdag in Khayelitsha gesê. Hy sê die geld moet binne ‘n jaar spandeer word en in iets winsgewend belê word. “Dit moenie in ‘n bank gelos word terwyl mense sonder werk sit nie.”

Die gemeenskappe sal glo ondersteuning van die banke en die departement van handel en nywerheid ontvang.

Motsepe het vroeër onderneem om die helfte van sy familie se persoonlike rykdom aan liefdadigheid te skenk. Hy sal binne die volgende drie tot vyf jaar glo R500 miljoen skenk.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

H J Bester ·

Dis voorwaar ‘n lofwaardige gebaar van Motsepe wie nie bekende beletsels van bedrog of korrupsie op sy naam het nie. Hy is aktief betrokke by welbekende Suid-Afrikaanse sakeondernemings waarin hy ‘n groot rol speel.

Hoop sy voorbeeld word raakgesien deur veral die agtergebelewenes in Suid-Afrika

Melissa ·

Goeiewerk!! Ek hoop dit word voordelig vir almal daar gebruik!!

piet ·

HY MAG WEL NIE VERBIND WORD MET BEDROG NIE MAAR HY IS NOG STEEDS N BAIE BELANGRIKE FINANSIEDER VAN DIE ANC. HIERDIE IS N PUBLISITEITS FOEFIE VIR STEUN VIR DIE ANC. HY KON DIT IN ENIGE ANDER ANC STERKPUNT GEDOEN HET.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.