Boardwalk Rescuer, een van die vaartuie wat deur die NSRI gebruik is om die man te soek Foto: NSRI
Die liggaam van ‘n man, wat in Port Elizabeth as vermis aangemeld is, is Sondag opgespoor.
“Die 28-jarige man is Saterdag laas in die see tussen Kings Beach en die hawe gesien,” het Craig Lambinon, woordvoerder van die Nasionale Seereddingsinstituut (NSRI) gesê. “Sy vriende beweer hy het gaan mossels uithaal.”
Volgens Lambinon het die polisie se skubaduikeenheid die man se liggaam onder die water opgespoor. “Die liggaam is aan die sorg van die forensiese patologie-diens oorhandig.” ‘n Geregtelike doodsondersoek is gelas.
Lees ook:
PE-man word in die see vermis
