Foto: @Gary_Blom/Twitter
ʼn Groot gedeelte van die dak van die Shoprite-winkelsentrum in Greenacres in Port Elizabeth het ineengestort.
Die SAUK het Sondag berig die winkel se brandbestrydingstoerusting het in die vroeë oggendure foutiewelik afgegaan en veroorsaak dat ʼn gedeelte van sowat 70m x 20m van die dak onder die druk van die water ingegee het.
Stanley Jarvin, ʼn polisiewoordvoerder, het aan die SAUK gesê niemand is in die voorval beseer nie. “Die winkel is gesluit,” het Jarvin gesê.
