ʼn 71-jarige vrou is in die Oos-Kaap in hegtenis geneem nadat sy glo dagga in haar tuin gekweek het.
Volgens kapt. Jackson Manatha, ʼn polisiewoordvoerder, is die vrou Sondag by haar huis in Zazulwana naby Butterworth, in hegtenis geneem. “Haar groentetuin was vol dagga, in plaas van mielies. Die dagga is verwyder. Dit het 68kg geweeg en het ʼn straatwaarde van nagenoeg R20 000,” het Manatha gesê.
Die vrou moet Maandag in die Butterworth-landdroshof verskyn op ʼn aanklag van dwelmhandel.
