Die departement van energie het aangekondig dat die prys van alle grade petrol Woensdag met 11 c per liter sal daal.
In Gauteng sal ʼn liter 95-oktaan nou R10,66 kos. Diesel se prys gaan egter styg. Diesel met ’n swaelinhoud van 0,05% sal 47 c per liter meer kos terwyl diesel met ‘n swaelinhoud van 0,005% met 44 c per liter sal styg. Die prys van paraffien sal met 43 c per liter styg. Die maksimum kleinhandelprys van paraffien sal met 57 c per liter styg.