Die petrolprys kan moontlik aanstaande week aansienlik daal.
RSG berig dat die kleinhandelprys van alle grade petrol moontlik met tot 73c per liter kan daal. Die groothandelprys van diesel kan moontlik met tot 52c per liter daal. Die daling is moontlik indien die daaglikse oorverhaling vir die res van die maand dieselfde bly. Dit sal die Gautengse kleinhandelprys vir petrol op R10,94 te staan bring teenoor verlede maand se rekordprys van R12,22. Die departement van energie sal die nuwe prys aanstaande Vrydag aankondig. Brandstofpryse word op die eerste Woensdag van elke maand aangepas.