Phalaborwa-skoliere takel bende glo met messe

mes1-225x225Chaos het Woensdag in Phalaborwa in Limpopo uitgebreek toe ʼn groep skoolkinders, glo van Hoërskool Frans du Toit, en ʼn vermeende bende mekaar in die dorp se strate getakel het.

Jaco Gericke, ʼn paramedikus en direkteur van CPF Medics, het Donderdag aan Maroela Media gesê die voorval het plaasgevind nadat die skool uitgekom het, en die voorval het ʼn blok van die skool af in Grosvenorstraat plaasgevind.

“Ons glo die aanval was bende-verwant, maar die polisie sal dit ondersoek,” het Gericke gesê. “ʼn Groep van vier of vyf seuns wat verlede jaar al uit die skool uit is, en leerlinge van die hoërskool het met mekaar begin baklei en mekaar met messe aangeval. Twee van die ouer seuns het erge beserings opgedoen en is na ʼn nabygeleë hospitaal geneem. Van die ander kinders het geringe beserings opgedoen.”

Volgens Gericke het verskeie ooggetuies en leerlinge die bakleiery op hul selfone afgeneem wat die polisie sal bystaan in hul ondersoek.

Maroela Media wag vir kommentaar van die hoërskool.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

6 Kommentare

jongste oudste gewildste
Eben

Mooi so manne … kan nie wag vir daardie eerste video!

Justi

Gonse orrelpyp! Dis darem erg.

Cornel

Ek is so bly ek het my gesin uit daai ou dorpie verwyder…. wat word van Phalaborwa????

Jasper

Normale buitemuurse aktiviteite deesdae.

Jaco Gericke

Baie dankie dat julle die geplaas het. Ek was eerste op die toneel en moet se die een ouer seun wat klaar uit die skool uit is het n ‘life threatening’ skerp voorwerk wond aan sy nek gehad. Wat my die hartseerste maak is dat ek nou beskuldig word dat ek die skool se naam beswadder. Ekt duidelik gese die voorval het twee strate van die skool af gebeur, nes julle genoem het. Daar is ook vir my gese dis MY SKULD omrede ouers hulle kinders in n ander skool sit. Liewe tyd die geweld is n lands/wereld wye probleem… Lees meer »