‘n Storm wat Sondag omstreeks 17:00 oor Pietermaritzburg in Kwazulu-Natal gewoed het, het paramedici van die omgewing laat bontstaan.
Chris Botha, ʼn woordvoerder van ER24, het gesê verskeie paaie was versper nadat bome tydens die storm omgewaai en in die strate geval het. “ʼn Man van Kwamphumuza is ook beseer nadat ʼn muur op hom geval het. Paramedici het die man op die toneel gestabiliseer en na ʼn plaaslike hospitaal geneem vir verdere behandeling,” het Botha gesê.