Argieffoto
Werknemers by die vullisverwyderingsmaatskappy, Pikitup, gaan glo nie staak nie, maar bloot ‘n vergadering hou en buite die maatskappy se hoofkantoor sing.
“Daar is ‘n misverstand by bestuur, wat gesê het dat die werkers staak. Hulle het ‘n vergadering met die vakbond gehad en het later buite die gebou gesing,” het Tahir Sema, woordvoerder van die Suid-Afrikaanse Munisipale Werkersvakbond (SAMWU), gesê. Meeste van die werknemers sal na hul poste terugkeer. “Ons sal poog om die kwessies met bestuur so gou as moontlik uit te sorteer. Indien bestuur instem, sal ons binne die volgende paar weke weer vergader om die werknemers se regmatige bekommernisse te finaliseer.”
Pikitup het vroeër Maandag gesê dat slegs ‘n klein aantal van hul werkers vir werk opgedaag het.
Werkers se griewe sluit die toepassing van biometriese toegangsbeheer, asemklikkertoetse vir bestuurders, en vervoer van werknemers in. Klik hier om meer te sien.
