Plaasmoordpetisie vir VN opgestel

Hibbe van der Veen is op sy melkboerdery in Bronkhorstspruit aangeval. Hy het sy stem by AfriForum se plaasmoordpetisie gevoeg.

Hibbe van der Veen is op sy melkboerdery in Bronkhorstspruit aangeval. Hy het sy stem by AfriForum se plaasmoordpetisie gevoeg.

Volgens AfriForum is plaasmoorde ʼn unieke misdaad, veral as ʼn mens die frekwensie en gewelddadigheid daarvan in ag neem. Boonop dra boere se lewensomstandighede daartoe by, aangesien hulle hulself dikwels kilometers ver van die naaste bron van hulp bevind.

Dié burgerregte organisasie het Woensdag ʼn elektroniese petisie in Pretoria begin, wat die regering opnuut versoek om plaasmoorde as misdaad te prioritiseer. “Die petisie sal in November vanjaar by die Verenigde Nasies (VN) se Forum vir Minderheidsaangeleenthede ingedien word,” het Ernst Roets, die adjunk uitvoerende hoof van AfriForum, gesê.

AfriForum het ook ʼn verslag, getiteld “Die Mthethwa-dossier” by die geleentheid bekend gestel. Die verslag bevat die besonderhede van tien gevalle in die afgelope twee jaar waartydens slagoffers van plaasmoorde probeer het om die minster van polisie, Nathi Mthethwa, se ingryping by die misdaad te kry. Volgens Roets is hulle pogings om met die minster te kommunikeer telkens met minagting begroet.

“Die Mthethwa-dossier stel die minster se lakse houding jeens plaasmoorde in die kollig. Mthethwa praat, maar het tot dusver geen daadwerklike stappe gedoen om plaasmoorde te beëindig nie. Elke besluit wat die regering die afgelope dekade oor plaasmoorde geneem het, dui eerder op ʼn deprioritisering daarvan. AfriForum eis dat plaasmoorde geprioritiseer word, nie omdat boere spesiaal is nie, maar omdat plaasmoorde ʼn unieke misdryf is, wat ʼn uitsonderlike teenstrategie benodig,” het Roets verder gesê.

AfriForum vra die publiek om die petisie by www.hoelanknog.co.za te onderteken. Die petisie sal op 1 November sluit, waarna die finale voorbereiding vir AfriForum se deelname by die VN-forum gedoen sal word. Die organisasie het reeds vir die geleentheid geregistreer en sal ook ʼn spreekbeurt kry. Die petisie sal ter ondersteuning dien van ʼn verslag wat AfriForum by die VN sal indien. Die organisasie beoog ook om bepaalde VN-amptenare te gaan sien om die saak in meer besonderhede te bespreek.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

29 Kommentare

jongste oudste gewildste
Johan

Julle moes lankal al n geraas gemaak het,en doen dit die keer met meet argresie asb.

vuurvreter

Ek stem Johan maar dit gaan tog niks help nie.

Seg Net

Mense hier is ons kans om die plaasmoorde onder die VN se aandag te bring. Ons moet hier saam staan en hierdie saak ondersteun dit kan moontlik die laaste kans in ‘n baie lang tyd wees. Ons moet hierdie woord versprei oor die helle land en die mense moet teken.

Justi

Ek gaan beslis teken. Ek woon op n plaas en slaap baie ongerus. Moet elke dag en nag op my hoede wees. Ek moet soos n krimineel altyd rond loer wie le my voor. Dis aaklig!!

vuurvreter

Seg net ek sal sommer dubbel teken. Ek sal self march as dit moet. Ek weet net die gemors wil nie luister nie. Ek het darem 2 geklits wat by ons ingebreek het laas jaar.