ʼn Plaaswerker is Woensdag in die Wes-Kaap dood nadat ʼn trekker op hom omgeslaan het.
Vanessa Horn, ‘n woordvoerder van die Wes-Kaapse nooddienste, sê die ongeluk het op ʼn plaas naby Stellenbosch plaasgevind. “ʼn Helikopter is na die Lillyweg Hidro-plaas gestuur nadat die ongeluk plaasgevind het. Die werker het ernstige beserings opgedoen en was reeds dood toe paramedici op die toneel kom. Dit is nog nie seker hoe die ongeluk plaasgevind het nie,” het Horn gesê.