Plofstof en vuurwapens: Verdagte op borg vrygelaat

Brian Negus (57) van Hillcrest wat glo met ‘n verskeidenheid plofstof, vuurwapens en ammunisie gevang is, is Woensdag op borgtog vrygelaat.

Negus is in die landdroshof in Pinetown op R5 000 borg vrygelaat, waar hy van die onwettige besit van vuurwapens en ammunisie aangekla word, het kaptein Thulani Zwane, woordvoerder van die polisie in KwaZulu-Natal, gesê. Negus sal op 21 Desember weer in die hof verskyn.

Negus is in hegtenis geneem nadat drie trommels vol vuurwapens, R-5 en .303 gewere, verdowingsgranate, teenoproer-traangas en beligtingsfakkels Vrydag by sy huis in Waterfall opgespoor is. Die polisie was op soek na dokumentêre bewyse in ‘n bedrogondersoek toe hulle op die wapens afgekom het.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.