Polisie loof reuse beloning uit oor renosterstropery

Foto: www.rhinoconservation.org

Die polisie in Limpopo het ʼn reuse beloning uitgeloof vir enigiemand met inligting wat kan lei tot die inhegtenisneming en vervolging van renosterstropers.

Die provinsiale kommissaris, lt. Gen. Simon Mpende, het ʼn beloning van R500 000 uitgeloof vir inligting oor renosterstropery. “Ons het die samewerking nodig van elke persoon in die provinsie en land om die skuldiges aan die pen te laat ry en die slagting hok te slaan.” In 2011 is 74 renosters in Limpopo vir hulle horings doodgemaak. Verlede maand is minstens 10 renosters in die provinsie doodgemaak. Meer as 165 renosters is sedert 2008 in die provinsie vir hulle horings doodgemaak. Minstens 38 vermeende stropers is verhoorafwagtend.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae