Die polisie ondersoek ‘n saak van brandstigting nadat ‘n man in ‘n brand by sy huis in Lenasia, suid van Johannesburg, gesterf het.
Ao. Kay Makhubela, woordvoerder van die polisie, sê die brand het omstreeks 4:00 Sondagoggend uitgebreek. “Daar is bewerings dat ʼn petrolbom by die huis ingegooi is. Ons wag nog op die forensiese span om ʼn ondersoek te doen voor ons dit kan bevestig.” Vier ander mense is deur bure uit die huis gered.
