Gautengse polisie is besig om klagtes te ondersoek dat polisievoertuie in Daveyton en Ekurhuleni misbruik word.
Gerugte doen die rondte dat polisievoertuie in die omgewing as afleweringsvoertuie gebruik word.
Die Daily Sun het Dinsdag ʼn foto van ʼn leser gepubliseer wat wys hoe goedere uit ʼn polisievoertuig gelaai word. Inwoners beweer dis ʼn algemene voorkoms en dat veral buitelandse winkeleienaars, polisievoertuie “huur” om aflewerings te doen.
Luitenant-kolonel Lungelo Dlamin, ʼn polisiewoordvoerder, het gesê hulle ondersoek die aantygings. “Ons het geen ander feite as die inligting wat in die koerant verskyn het nie,” het hy Dinsdag gesê.