ʼn Polisiereservis van Belville het Maandag in die hof verskyn op ʼn aanklag dat hy glo ʼn hawelose man verkrag het.
Die beampte is oor die naweek in hegtenis geneem, het EWN berig. Ondersoekbeamptes sê die hawelose man was Saterdag op soek na skuiling by die polisiestasie in Belville toe die reservis hom glo geboei en aangerand het. Moses Dlamini van die onafhanklike polisie-ondersoekdirektoraat (Opod) sê die ondersoek duur voort en die saak is tot 21 Junie vir ʼn formele borgaansoek uitgestel.