Polisie stuit klopjagte op Mandela-liefdadigheidsorganisasies

Saps-ls10-320x224Senior bestuurslede van die polisie het ʼn stokkie gesteek voor beplande klopjagte op liefdadigheidsorganisasies wat verband hou met oudpresident Nelson Mandela, het die Mail & Guardian Vrydag berig.

Hoëvlakpolisiebeamptes was na bewering bekommerd dat die klopjagte op die Nelson Mandela-stigting, die Nelson Mandela-kinderfonds en die Nelson Mandela Trust glo ʼn verleentheid sou veroorsaak.

Na dié besluit is ʼn brief van die Valke aan die organisasies, sowel as sommige familielede van Mandela gestuur waarin die Valke finansiële state eis.

Oupa Ngwenya, die woordvoerder van die kinderfonds se uitvoerende hoof, Sibongile Mkhabela, het bevestig dat hulle ʼn brief ontvang het. “Die rekeningstate van die Nelson Mandela-kinderfonds by Nedbank is beskikbaar vir die publiek en is in die jaarlikse algemene verslag van 31 Maart 2013 vervat,” het Ngwenya gesê.

Volgens Ngwenya en woordvoerders van die ander organisasies, is afskrifte van die briewe ook na Mandela se prokureur, Bally Chuene, gestuur. Die briewe hou glo verband met aanklagtes van bedrog en vervalsing wat teen Mandela se voormalige prokureur, Ismail Ayob, gemaak word.

In Julie, is ‘n hofaansoek vir die verwydering van George Bizos, Tokyo Sexwale, en Chuene as direkteure van Harmonieux Investment Holdings en ​​Magnifique Investment Holdings van die hofrol geskrap.

Die aansoek is deur Mandela se dogters, Makaziwe Mandela en Zenani Mandela-Dlamini, gebring.

– SAPA

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

9 Kommentare

jongste oudste gewildste
Willy

Ja dan kon daar gesien word watter hande in daardie till is.
Ek is baie versigtig aan wie gee ek donasies.

Amy

Alles wat hulle aan raak, word korrup!!!
En Willy, ek stem saam jou.

Sarie van Niekerk

En wie gee die hoevlakpolisieeamptes om te verhoed dat die Valke hulle werk doen? Daar moet ‘n goeie rede voor wees as hulle klopjagte of die kamma liefdadigheidsorganisasies wou uitvoer. Of dit nou ‘n verleentheid sou veroorsaak of nie, dit is hulle werk. Ek is oortuig daarvan hier kan ‘n saak van dwarsboming van die gereg uitgemaak word teen die hoevlakpolisiebeamptes. Maak asseblief hulle name bekend?

a.lombard

Die skenking aan die Mandela kinderfonds alleenlik van uit Nederland is miljoene deur die jare en gaan steeds voort. President Mandela sal nie weet wat is in die fonds nie, aangesien hy nie self by die Admin. betrokke is nie. Maar aangesien dit ‘n kinderfonds is…wil ons graag weet welke kinder instansies het hulp ontvang, en waarom moet op TV vir kinders hulp versoek word vir groot mediese probleme, hierdie fonds kan help met die probleme ? dit moet bekend word hoe veel in die fonds is en welke hulp in die afgelope belasting jaar gelewer is en die instansies… Lees meer »

vuurvreters

Hulle is bang die miljoene wat hulle daagliks steel kom op die lappe. Hulle is almal korupp die skelm wetters.