Deelnemers aan die Volvo Kampioen-gholftoernooi sal Saterdag onder polisiebegeleiding van hul hotelle na die baan vervoer word om seker te maak dat daar nie ‘n verkneersknoop tydens die 101ste byeenkoms van die ANC in Durban veroorsaak word nie.
Pres. Jacob Zuma sal die verwagte skare van 80 000 mense in Kingspark-stadion, regoor die Durban Country Club-gholfbaan, toespreek. Per Ericsson, die president van Volvo-geleentheidsbestuur, het Vrydag gesê die polisiebegeleiding is slegs om seker te maak dat die gholfspelers betyds opdaag vir die toernooi.
Zuma sal ná die ANC-byeenkoms die Volvo Kampioene besoek, ‘n elite byeenkoms van verlede jaar se Europese Toer-wenners.