’n Bevelvoerder van die veediefstaleenheid in die Maake-distrik in Limpopo, is in hegtenis geneem oor beweerde betrokkenheid by onwettige jag.
Paul Ramaloko, woordvoerder van die Valke, sê die 50-jarige man is omstreeks 15:00 Dinsdagmiddag by sy huis in Maake in hegtenis geneem. “Hy is in hegtenis geneem vir die besit van nege ingelisensieerde vuurwapens.” Ramaloko sê daar is op ses jaggewere en drie handgewere beslag gelê. “Ons het inligting opgevolg dat hy betrokke is by onwettige jag.” Ramaloko sê die man sal Donderdag in die Phalaborwa-landdroshof verskyn op aanklagte wat verband hou met die besit van ongelisensieerde vuurwapens en ammunisie.
Og nee!! Die Afrikaans vir “handgun” is “handwapen” en nie “handgeweer” nie. In Afrikaans beteken die woord “geweer” net een ding, en dit is ‘n lang wapen wat uit die skouer geskiet word. Die Engels vir “geweer” is “rifle”.