Polisieman in Kaapstad doodgeskiet

ʼn Polisiebeampte is Maandagaand in die Nyanga Vlei informele nedersetting in Kaapstad in die Wes-Kaap doodgeskiet.

Kol. Tebbinkosi Kinana, woordvoerder van die polisie, sê die polisiebeampte wat nie aan diens was nie, het by ʼn paneelklopper aangedoen toe hy deur drie mans gekonfronteer is. “Hulle het sy vuurwapen geëis en hom doodgeskiet. Hulle het met sy dienspistool gevlug.” Kinana sê die polisiebeampte, glo in sy 30’s, se naam kan nie bekend gemaak word totdat sy naasbestaandes in kennis gestel is nie. Kinana sê die polisie ondersoek ʼn saak van gewapende roof en moord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.