‘n Polisiebeampte het Dinsdagoggend ʼn man doodgeskiet nadat hy by sy huis probeer inbreek het in Florida, Johannesburg.
Hoofsupt. Wayne Minnaar, woordvoerder van die Johannesburgse metropolisie, sê die polisiebeampte was nie aan diens nie. Minnaar sê die polisiebeampte het omstreeks 3:00 Dinsdagoggend wakker geskrik na hy geluide in sy huis gehoor het. Volgens Minnaar het die polisiebeampte die man doodgeskiet terwyl hy deur die waskamer se venster probeer klim het. Hy is op die toneel dood verklaar. Die inbreker se makker het ontsnap.