Polisieman skiet vriendin, homself

ʼn Vrystaatse polisieman het glo sy vriendin en homself in ʼn veld naby Orkney, Noordwes, geskiet.

Brig. Thulani Ngubane, ʼn polisiewoordvoerder, het gesê beamptes van die Orkney-polisiestasie het Woensdag omstreeks 18:00 ʼn oproep ontvang dat twee liggame in ʼn veld naby die Goedgevonden-kleinhoewe gevind is.

“Die liggame het sowat 3 meter uit mekaar gelê. Die vrou, Kedibone Kotola (30), het ʼn koeëlwond deur haar linkeroog gehad. Die polisiebeampte, ao. Moeketsi Joseph Morekie (40) van die Vierfontein-polisiestasie, het ʼn koeëlwond bo sy linkeroor gehad. Sy dienspistool was steeds in sy linkerhand vasgeklem. Hulle het albei op hul rûe gelê,” het Ngubane gesê.

Die polisie het op Moreki se dienspistool beslag gelê. Die polisie ondersoek ʼn saak van moord en selfmoord.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.