‘n Polisiekonstabel wat van 15 verkragtings verdink word, sal Woensdag in die landdroshof in Randburg verskyn.
Die 30-jarige man is in Julie-maand in hegtenis geneem en staar ook ‘n aanklag van poging tot verkragting in die gesig, het Moses Dlamini, woordvoerder van die polisie se onafhanklike ondersoekdirektoraat gesê. Die man het ‘n borgaansoek ingedien, maar dit is afgekeur. Die verkragtings het glo in die Olifantsfontein- en Tembisa-gebiede plaasgevind en dit is nog nie duidelik wanneer die beweerde misdade plaasgevind het nie.