Polisieman vas ná hy glo ongelukslagoffer beroof

Argieffoto

Argieffoto

Ao Christopher Ross, ʼn polisiebeampte wat naby aan Lichtenburg gestasioneer is, het in die hof verskyn nadat hy glo R900 gesteel het van ʼn man wat in ʼn ongeluk oorlede is.

“Ross was Donderdag op die ongelukstoneel naby Bodibe waar ʼn man gesterf het nadat hy beheer oor sy motor verloor het,” het kol. Emelda Setlhako, woordvoerder van die polisie in Noordwes, gesê. “Hy het ʼn hele paar items, insluitend R900 kontant, van die slagoffer gesteel.”

Volgens Setlhako het Ross glo persoonlike items aan die slagoffer se broer oorhandig, en vir die familie gesê hy het R500 gevat wat hy eers aan hulle sal oorhandig sodra hulle die oorledene en die broer se identiteitsdokumente na die plaaslike polisiestasie toe bring.

Die familie het gevolglik by die stasie opgedaag met die dokumente, maar Ross was nie aan diens nie, en ʼn ander beampte, kaptein Ida Dube, het die saak hanteer. Dube het opgemerk dat Ross glo nie die saak aangemeld het of ʼn aantekening gemaak het dat die polisie die geld het nie. Die kaptein is na Ross se huis en het hom oor die geld uitgevra. Hy het glo ontken dat hy enigiets daarvan weet.

ʼn Polisiebeampte wat saam met Ross aan diens was, het glo bevestig dat paramedici R900 by die toneel aan Ross oorhandig het.

ʼn Saak van diefstal is teen Ross aanhangig gemaak. Hy is Vrydag in hegtenis geneem en het Maandag in die Itsoseng-landdroshof verskyn.

Hy moet op 16 Januarie weer in die hof verskyn.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

5 Kommentare

jongste oudste gewildste
Jasper

Onbeskryflike gewetenlose organisme. Die mens besit n gewete en diere handel volgens instink.

Chris

Steel van die dooies. Weereens die polisie wat verbrou. En ons Moet hulle vertrou. Nooit weer nie

Ria Maritz

Hoe laag kan ‘n mens daal ? Die familie moet reeds nou die skielike afsterwe van ‘n geliefde verwerk, nou dit ook !

SIES ! DIS GEMEEN !

Justi

Hoe skokkend is dit nie! Wie weet watter mooie gedagtes die oorledene nie gehad nie? Wou dalk die geldjies aan sy ouers of iemand gee wat sukkel, of sommer net as n geskenk.
Hier kom n “sogenaamde” dienaar van die gereg en steel dit, nadat die persoon oorlede is in n ongeluk.
God slaap nie en persoonlik glo ek dat daardie walglike polisieman sy dag nie net op aarde sal kry nie maar daar waar hy gaan moet antwoord voor God ook.
God sal sy familie in die hartseer tyd bystaan en vertroos. Baie sterkte aan hulle.

Chris

Ek hoop hy sit in die tronk. Bogger