Polisieman verskyn in hof vir KFC-moord

Argieffoto

ʼn Polisiekaptein van die Pinetown-polisie wat verlede jaar glo ʼn vermeende rower tydens ‘n rooftog by ‘n KFC-kitskosrestaurant in Durban doodgeskiet het, het Dinsdag vlugtig in die dorp se landdroshof verskyn.

Die onafhanklike polisie-ondersoekdirektoraat (Opod) het ʼn ondersoek van stapel gestuur nadat kaptein Dumisani Justice Dladla (42) verlede jaar in Oktober ʼn vermeende rower by die kitskosrestaurant in New Germany doodgeskiet het. Een van Dladla se kollegas is in die voorval dood en ʼn ander ernstig beseer. Opod het na die ondersoek Dladla aangekla van moord en dwarsboming van die gereg. Dladla, ʼn pa van vyf kinders, is op 23 Januarie in hegtenis geneem en kort daarna op ʼn waarskuwing vrygelaat.

Die saak is tot 4 Junie uitgestel vir verdere ondersoek.

Lees ook:
Polisiebeampte vas vir dood van KFC-rower

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae