ʼn Polisievrou is Vrydagaand in Philippi in Kaapstad doodgeskiet.
ʼn Polisiewoordvoerder, lt. kol. André Traut, sê die 36-jarige konstabel was in uniform en het met ʼn polisiemotor gery toe sy omstreeks 18:40 twee keer deur die windskerm geskiet is. Sy is na ʼn nabygeleë hospitaal geneem waar sy aan haar beserings beswyk het. Die moordenaars het van die toneel gevlug. Traut sê die konstabel was ongewapen en op pad om ʼn pakkie te gaan afhaal in Khayelitsha ten tyde van die voorval. Die polisie ondersoek ʼn saak van moord.