‘n Polisievrou van Rawsonville, Kaapstad, is in hegtenis geneem nadat sy glo ‘n kollega geskiet het.
Die onafhanklike polisieondersoek-direktoraat (IPID) ondersoek tans waarom sy haar kollega, met wie sy glo ‘n verhouding gehad het, geskiet het, berig EWN. “Sy het glo haar kollega geskiet, maar die oorsaak is nog onbekend,” het Moses Dlamini, woordvoerder van IPID, gesê. Die polisieman sterk tans in die hospitaal aan.
Die vrou sal na verwagting binnekort in die hof verskyn.
‘n Polisiekonstabel het vroeër die maand ‘n polisiekaptein in ‘n padwoedeaanval vermoor. Die twee beamptes, wat beide nie aan diens was nie, was naby die Katlehong-winkelsentrum in ‘n ongeluk betrokke.
